19 Маусым 10:18
Маңғыстауда алимент төлеуден жалтарған борышкер қамалды
Жаңаөзен қаласының прокуратурасымен алимент бойынша 6 млн теңге берешегі бар борышкерге қатысты Қылмыстық кодекстің 139-бабымен тіркелген қылмыстық іс сотқа жолданды.
Алматы, NEGE. Айыпталушы сотқа келуден жалтарған, осы негізде қала прокурорының өтінішімен сотпен бұлтартпау шарасы қамаққа алуға өзгертіліп, борышкерге іздестіру жарияланды.
Жүргізілген іздестіру шаралар нәтижесінде борышкер Қостанай қаласынан анықталып, қамаққа алынды.
Қазіргі уақытта алимент бойынша берешегі толық өтелді және қылмыстық іс негізінен қарау үшін сотқа жолданды.
