Маңғыстау облысында кәсіпкерлерді бопсалаумен айналысқан қылмыстық топ ұсталды
2023 жылғы 18 қыркүйекте Маңғыстау облысында Ұлттық қауіпсіздік комитеті прокуратура және полиция органдарының атсалысуымен бопсалаумен айналысып, ауыр дене жарақатын салу мен заңсыз қару сақтаған күдікті топ ұсталды.
Алматы, NEGE. Операция кезінде көшбасшысы мен 3 қатысушысы ұсталып, атыс қаруы мен оқ-дәрілер тәркіленді.
Қолда бар деректерге сай, олар физикалық түрде жәбір көрсету қауіпімен, облыстық және халықаралық жолдарында жеке тасымалдаумен айналысатын кәсіпкерлерден ақшалай қаражаттар талап еткен.
Шабуылға тап болған жәбірленушілер, олардың арасында лауазымдық міндеттерін атқаруда болған Шекара қызметінің әскери қызметкері анықталған. Соттың санкциясымен құрықталған тұлғаларға қамауда ұстау түріндегі шарасы қолданылды.
Жедел-тергеу іс-шаралары жалғасуда.
