Маңғыстау облысында карантиндік шаралар күшейтіледі
Ертең Маңғыстау облысында карантиндік шаралар күшейтіледі. Өңірде инфекцияның өсу қарқыны 7 процентке жетіп, эпидемиологиялық ахуал күрделене түскен.
Алматы, NEGE. Облыстың бас мемлекеттік санитарлық дәрігерінің қаулысымен сауда ойын-сауық орталықтары, мәдениет ошақтары мен моншалардың жұмысы уақытша тоқтатылады. Қоғамдық көліктің де қызметіне шектеу бар. Кәмелетке толмағандар ересектердің қарауынсыз көшеге шықпауға тиіс. Тұрғындарға барлық жерде бетперде тағу міндеттеледі. Карантиннің қанша уақытқа созылатыны белгісіз. Санитарлық дәрігер инфекцияның таралу көрсеткішіне қарай шешім қабылдайтын болады.
