Маңғыстау облысында карантин күшейтіледі
Маңғыстау облысында карантин күшейтіледі, деп хабарлады өңір әкімдігінің баспасөз қызметі.
Алматы, NEGE. «Маңғыстау облысында 13 қазан сағат 00:00 бастап карантин талаптары күшейтіледі. Облыстың бас санитарлық дәрігерінің қаулысына өзгерістер енгізілді: Тамақтану орындары, дәмханалар мен ірі супермаркеттер жұмысы 21.00-ге дейін қысқарады. Қоғамдық көліктер сенбі, жексенбі күндері жұмысын тоқтатады», - делінген дүйсенбідегі хабарда.
Хабарда атап өтілгендей, спорт нысандары, фитнес орталықтары мен жаттығу залдарының жұмысы тоқтатылады.
«Азық-түліктен басқа барлық базардың жұмыс уақыты 16.00-ге дейін қысқарады. Той мен ұжымдық шараларға рейд күшейтіледі. Көпшілік жерлерде маска тағу және арақашықтық сақтау маңызды!», - делінген хабарда.