20 Қараша 17:57
...
«Қылмыстық топ құрған»: Маңғыстау полициясы тараған ақпаратқа түсініктеме берді
Әлеуметтік желілерде Маңғыстау облысы полиция департаментінің бастығы мен оның орынбасарлары ұйымдасқан қылмыстық топ құрды деп айыпталғаны туралы ақпарат тарады. Бұған қатысты ведомствода ресми түсініктеме берді.
Астана, NEGE. Әлеуметтік желілер мен мессенджерлерде өңірлік ПД басшыларының аты-жөндері көрсетілген тізім тарап, оларды ұйымдасқан қылмыстық топтың мүшелері деп көрсеткен.
Маңғыстау облысы полиция департаменті бұл ақпараттың жалған екенін хабарлады.
«Жалған ақпарат таратпауларыңызды сұраймыз. Интернетте алдын ала жалған екенін білетін мәліметтерді орналастыру және тарату Қазақстан заңнамасына қайшы келеді», – деп ескертті ведомствоның баспасөз қызметі.
Полиция жалған ақпарат таратқаны үшін жауапкершілік бар екенін еске салды.
