8 Қазан 17:40
...
Маңғыстау облысында мерзімді әскери қызметші қаза тапты
Оқиға 7 қазан күні облыстық Шекара қызметі департаментінде болған. Алайда бұл туралы ақпарат тек бүгін жарияланды.
Алматы, NEGE. Ведомство өкілдері өлімді «кездейсоқ жағдай» деп атады.
«Алдын ала мәлімет бойынша, қайғылы жағдайға техникалық жұмыстар кезінде қауіпсіздік ережелерін сақтамау себеп болған», — делінген ресми хабарламада.
Қазір полиция қылмыстық іс қозғап, қызметтік тергеу жүргізіліп жатыр.
Ұлттық қауіпсіздік комитетінің Шекара қызметі марқұмның туыстары мен жақындарына көңіл айтты.
