Маңғыстау әкімі Қазақстанның туы бейнеленген шайбамен ойнауға рұқсат бермеді
Желіде Маңғыстау облысының әкімі Нұрдәулет Қилыбайдың хоккей ойыны алдындағы әрекеті қызу талқыланып жатыр.
Астана, NEGE. Ойын алдында түсірілген видеодан әкімнің Қазақстан туы бейнеленген шайбаны ойынға қоспай, өзімен бірге алып кеткенін көруге болады.
Әкімнің бұл әрекетіне желі қолданушылары түрлі пікір білдіруде. Кейбіреулер әкімнің байқампаздығын мақтап жатса, енді біреулері ту бейнеленген шайбаны бірінші болып байқап, мұз бетінен көтеріп алған хоккейшіге алғысын білдіруде. Пікір білдірушілер арасында өңір басшысының бұл әрекетін хоккей ойынының ережесі ретінде түсіндіргендер де кездеседі.
«Мұны "символдық лақтыру" деп атайды. Мұндайда шайба ойынды бастап берген адамға сыйға беріледі. Ойын кәсіби шайбамен ойнатылады. Ережені біліп алған абзал», – деп жазды желі қолданушыларының бірі.
Айта кетейік, бұл жағдай Ақтаудағы жаңа мұз айдынының ашылуы кезінде болған.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
