«Мамам екеуміздің таза еңбегіміз» – Перизат Қайраттың телефонынан ақша толы чемоданның видеосы табылған

Астана, NEGE. Сотталушы Ғайни Алашбаева жауап беруден бас тартқан болатын. Мемлекеттік айыптаушы Арман Кезекеннің айтуынша, оның ұстанымы белгілі. 

«Бұл жерде Алашбаеваның позициясына тоқталған жөн деп санаймыз. Ол жауап беруден бас тартса да, ұстанымы айқын: ол өз кінәсін мойындамайды, қызы Перизат Қайраттың әрекеттеріне еш қатысы жоғын айтады. Алайда Перизат Қайраттың телефонынан ішінде 20 мың теңгелік купюралар салынған қолма-қол ақшаға толы чемодан түсірілген видео табылды. Онда: «Не деуге болады, ең жақсы жыл болды. Аллаға шүкір. Өз таза еңбегіміз мамамыз екеуміздің», деген сөздер бар», – деді прокурор.

Айыптау тарапының мәліметінше, П.Қайрат пен Ғ.Алашбаеваның үйінен жалпы құны 158,2 миллион теңгеге бағаланған брендтік сөмкелер, аяқ киімдер мен зергерлік бұйымдар, барлығы 140 түрлі зат, тәркіленген.