Макрон Қазақстанға жасаған алғашқы сапары жайында әлеуметтік желі парақшасында жазды
Франция президенті 2023 жылғы 1 қараша күнгі Қазақстанға ресми сапарынан кейін әлеуметтік желіде пікір білдірді.
Алматы, NEGE. – Қазақстан мен Франция арасында бүгін көптеген келісімдер жасалды. Бұл — біздің маңызды сын-қатерге қарсы ынтымақтастығымыз. Міне, біздің жастар! Олар – мәдениетіміз бен тілімізді байланыстырушы. Мен Астанада кездестірген жастар – біздің достығымыздың айнасы, – деп жазды Макрон.
Сонымен қатар Макрон Қазақстан мен Франция арасындағы қарым-қатынас жөнінде пікір білдірді.
– Ұлы державалар қайта гегемон атануға ұмтылып жатқан, ал басқа елдер болжап болмайтын күйге түскен әлемде жаңа перспективалар құруға болатын серіктесің мен достарыңа арқа сүйей алатыныңды білген жақсы, – деді Эммануэль Макрон.
