Майлыбаев мерзімінен бұрын бостандыққа шықты
Президент әкімшілігі басшысының бұрынғы орынбасары Бағлан Майлыбаев мерзімінен бұрын бостандыққа шықты. Бұл жайлы бауыры Ерхан Майлыбаев Tengrinews.kz тілшісіне мәлімдеді.
Алматы, NEGE. «Бағлан Майлыбаев бостандыққа шықты. Сот үкімі заңды күшіне енді. Қазір ол Нұр-Сұлтанда, жағдайы жақсы», – деді Ерхан Майлыбаев.
Бағлан Майлыбаев қызметінен 2017 жылдың 12 қаңтарында босатылып, 16 қаңтарда ұсталған болатын.
Ол ҚР Қылмыстық кодексінің 361-бабының 4-бөлігі («Лауазымдық өкiлеттiктерді теріс пайдалану») және 185-баптың 3-бөлігі («Мемлекеттiк құпияларды заңсыз жинау, тарату, жария ету») бойынша айыпты деп танылған. Бес жылға бас бостандығынан айырылып, мүлкі тәркіленіп, өмір бойына мемлекеттік органдарда жұмыс істеу құқығынан айырылған болатын.