Майдангер ақынның қабірі орнатылған жер сатылған
Майдангер, ақын, композитор Алханбек Малькеевтің қабірі орнатылған жер Алматы облысындағы Талғар қаласында жеке қолға берілді. Мұндай мәлімет әлеуметтік желілерде пайда болды.
Алматы, NEGE. Андрей Адреев Facebook желісіндегі парақшасында Ұлы Отан соғысына қатысқан ақын әрі композитор Алханбек Малькеевтің стелласы бар жерді 2012-2013 жылдары талғарлық шенеуніктердің сатып жібергені туралы жазды.
«Талғарда болғандар қалаға кіреберісте оң жақта колледж тұрғанын және оның аумағында стелла тұрғанын көрген болар. Ал оның маңында екі-үш дюймдік жаяу әскер зеңбірегі тұр. Сол аумақта қоғам қайраткері Алханбек Малькеевке орнатылған ескерткішті де байқауға болады. 2012-2013 жылдары сегіз сотық жер коммерциялық қызметке жекеменшікке сатылды. Бұл учаскені мемлекеттік меншікке қайтаруға болатын шығар», – деп жазды ол Алматы облысының билігіне үндеу жасай отырып.
Талғар аудандық әкімдіктің баспасөз қызметінің мәліметінше, бұл учаске 2006 жылдың ақпанында Талғар ауданы әкімінің қаулысы негізінде жеке меншікке берілді. 2012 жылы ол жер жаңа иесінің мұрагеріне өткен.
«2020 жылдың тамыз-қаңтар айларында ол азаматшамен жерді мемлекетке қайтару туралы түсіндірме жұмыстар жүргізілді. Қазіргі уақытта қажет құжаттар жинастырылып жатыр», – деді әкімдіктегілер.
Қазір оқып жатыр
Петропавлда темекі тұқылынан көппәтерлі үй өртеніп, 100-ден астам адам эвакуацияланды
Қанат Бозымбаев Солтүстік Қазақстан облысында су тасқынының екінші толқынының өту барысын тексерді
Олжас Бектенов Алматы тау кластері мен Almaty Superski жобаларын жүзеге асыру қарқынын жеделдетуді тапсырды
Жамбыл облысында жасөспірімдерді өз-өзіне қол жұмсауға итермелеген не жағдай?
