Майданда қаза болған екі қазақстандық жауынгердің сүйегі ресми делегацияға табысталды
Ұлы Отан соғысында қаза тапқан екі қазақстандық жауынгердің сүйегі Қазақстанда жерлеу үшін ресми делегацияға табысталды, деп хабарлайды РФ қорғаныс министрлігі.
Алматы, NEGE. Салтанатты шара Мәскеудің жанындағы Мытищи қаласында өтті. Бес жауангердің сүйегі жерлеу үшін ресми делегацияларға табысталды. Олардың екеуі - қазақстандық. Біреуі - Жамбыл облысының тумасы, шекарашы Қадірбек Дәулетқұлов, екіншісі - Гурьев (қазіргі Атырау) қаласының тұрғыны болған - Қасым Әдиев. Екеуі де 1941-1943 жылдары аралығында майданда қаза тапты.
Іс-шараға РФ федерация кеңесінің өкілдері, Қазақстанның Ресейдегі елшісі Дәурен Абаев, Қазақстанның сол елдегі әскери атташесі және басқа да ресми түлғалар қатысты. Салтанатты шара барысында қаза тапқан жауынгерлердің туыстарына іздеу жұмыстары кезінде табылған жеке медальондар мен жауынгерлердің жеке заттары табысталды.
