Мәдениет үйі бағасы Т16,6 млн. тұратын жеңіл көлік сатып алмақ
Шығыс Қазақстан облысындағы аудандық мәдениет үйі бағасы Т16,6 млн астам тұратын жеңіл көлік сатып алмақшы.
Алматы, NEGE. «Тапсырыс беруші – «Абай аудандық мәдениет үйі» КМҚК; атауы – автомобиль; қосымша сипаттамасы – жеңіл автомобиль; саны – біреу; жоспарлы сомасы – Т16,54 млн», - делінген мемлекеттік сатып алу порталындағы лот сипаттамасында.
Конкурс 16 шілдеде жарияланған, өтінімдерді қабылдау 17 шілдеде сағат 9.00-де басталады және 21 шілде 18.00-ге дейін жалғасады.
«Лоттың сипаттамасы – жеңіл, класс С, автоматты трансмиссия, көлемі 2000 куб.см астам; жеткізу орны – 633230100, Шығыс Қазақстан облысы, Абай ауданы, Қараауыл ауылы, Мамай, 40; сатып алынатын тауарлардың сипаттамасы және талап етілген қызметтік, техникалық, сапалық және эксплуатациялық сипаттамалары - жалпы құрал, жаңа, айдалмаған, 2020 жылы шығарылған, тауар сапасына кепілдік: екі жыл немесе айдауы шексіз, шанағының түрі лифтбек, базалық жиынтық, түсі ақ», - делінген конкурстың техникалық ерекшелігінде.
