Мадагаскарда коменданттық сағат енгізілді
Мадагаскарда түнгі коменданттық сағат жарияланды, деп жазды 24.kz.
Алматы, NEGE. Шешім жаппай наразылықтарға байланысты қабылданды. Бұған елде электр жарығы мен судың жиі тоқтауы себеп. Осыған байланысты халық көшеге шығып, биліктен мәселені шешуді талап етіп жатыр. Қалаларда тұрғындар жолдарды бөгеп, полиция шерушілерді тарату үшін резеңке оқ пен көзден жас ағызатын газ қолданды.
Қақтығыс болып, бірнеше дүкен мен банк тоналып, кей нысандарға өрт қойылған. Зардап шеккендер саны белгісіз. Билік толқу артында оппозиция тұр деп, наразылықты төңкеріс әрекеті ретінде бағалап отыр.
