9 Қыркүйек 13:25
ІІМ Маңғыстау облысындағы мектеп оқушыларының улануына қатысты мәлімдеме жасады
Ішкі істер министрлігі Маңғыстау облысындағы мектеп оқушыларының улануына қатысты тергеу барысы туралы баяндады.
Алматы, NEGE. Маңғыстау облысының полиция департаменті Мұнайлы ауданында оқушылардың жаппай улану фактісі бойынша қылмыстық істі тергеп жатыр.
Қылмыстық іс шеңберінде тергеушілер мектеп, асхана және жеткізуші компания қызметкерлерінің қатысуымен барлық қажетті тергеу әрекеттерін жүргізуде. Мектеп асханасына азық-түлік сатып алынған нысандар анықталды, жеткізу шарттары мен үлгілері алынды, қажетті зерттеулер тағайындалды. Тергеу іс-шаралары мен зерттеу нәтижелері бойынша кінәлі адамдардың іс-әрекеттеріне құқықтық баға берілетін болады.
Тергеу барысы ІІМ басшылығының бақылауында. Тергеу жалғасып жатыр.
