ІІМ басшысы Бишімбаевтың ісі бойынша соңғы мәліметтермен бөлісті
Ішкі істер министрі Ержан Сәденов экс-министр Қуандық Бишімбаевқа қатысты істің мән-жайын айтып берді.
Алматы, NEGE. Мәжіліс кулуарында ішкі істер министрі бұл іс бойынша тергеудің аяқталғанын, жақын арада сотқа тапсырылатынын хабарлады.
"Іс аяқталды, қазір танысу жүріп жатыр, содан кейін сотқа жіберіледі. Процесс мынадай: зардап шеккен тарап пен күдікті тарап қарап жатыр. Менің ойымша, процесс аяқталуға жақын. Тергеу толығымен аяқталды, оны қарап шыққан соң, қадағалау органы ретінде прокуратураға жібереміз, прокуратура арқылы сот қабылдап, шешім шығарады", - деді Сәденов.
ІІМ басшысының айтуынша, соттың ашық немесе жабық өтуін судья шешеді.
2023 жылдың 9 қарашасында бұрынғы Ұлттық экономика министрі Қуандық Бишімбаев әйелін өлтірді деген күдікпен ұсталған болатын.
