Love Aika тізімінде болған шенеунік қызметінен кетті
Жақында «Kazakh Tourism» ұлттық компаниясының басқарма төрағасы ауысты. Әлеуметтік желіде бұған себеп бұрынғы басшының Love Aika тізімінде болуы екендігін меңзеген ақпарат тарады, деп хабарлайды Qaz365.kz.
Алматы, NEGE. Желідегі Ulys парақшасында оның қызметтен кетуіне Love Aika тізімінде болуы себеп екені айтылған.
Айта кетейік, «Kazakh Tourism» ұлттық компаниясы ҚР Үкіметінің қаулысымен 2017 жылы шілдеде құрылған. Компанияның негізгі міндеттері – еліміздің туристік әлеуетін шетелде дамыту, сонымен қатар Қазақстанның туристік саласына инвестициялар тарту.
Еске салайық, бұған дейін әлеуметтік желіде жеңгетай әйел – Айканың қыздарынан эскорт қызметін жиі алып тұратын жігіттердің тізімі тараған болатын.
VIP жеңгетай Айканы маусым айында Ішкі істер министрлігі қолға түсірген еді. Министрлік Алматыда айналымы 209 миллион теңгеден асатын элиталық эскорт қыздардың «жабық» әлеуметтік желілері жойылғанын хабарлаған болатын.