3 Ақпан 14:22
...
Лифтіде пранк жасаған блогер 15 тәулікке қамалды
Елордада лифтіде ойыншық тапаншамен адамдарды қорқытып, пранк жасаған блогер 15 тәулікке қамалды.
Алматы, NEGE. Ол кінәсін мойындап, видеоны тек көңіл көтеру үшін түсіргенін айтқан.
2025 жылы 29 қаңтарда аталмыш блогер тұрғын үйдің лифтісінде өзінің танысымен төбелесіп, тапаншамен қорқытып, пранк жасаған. Ол лифтідегі адамдарға тапанша тәрізді затты бағыттап, олардың реакциясын жасырын камераға түсіріп алған.
Сот оның әрекеттерін қоғамдық тәртіп пен басқалардың тыныштығын бұзатын ұсақ бұзақылық деп танып, 15 тәулікке қамау туралы шешім шығарды.
Қаулы заңды күшіне енген жоқ.
