Дүние
Лейла Алиева перзентханада болды
Әзірбайжан президенті Ильхам Алиевтің қызы – Лейла Алиева Бакудің Сабунчи ауданындағы №3 қалалық клиникалық аурухананың перзентханасында болды, деп хабарлайды AZƏRTAC.
Алматы, NEGE. Бірақ Лейла Алиева өмірге нәресте әкелу үшін келмеген. Ол Гейдар Алиев атындағы қордың вице-президенті. Осы қор перзентханаға заманауи құрал-жабдықтармен жабдықталған 60 төсек сыйлаған екен. Бұл жерде құрсағындағы шаранада әртүрлі ақауы бар аналар босанатын көрінеді.
Гейдар Алиев атындағы қордың президенті – Ильхам Алиевтің әйелі – Мехрибан Алиева. Ал Лейла Алиеваның вице-президенттік лауазымынан бөлек, қызметі көп. Ол – «Баку» журналының бас редакторы, Ресейдегі Әзірбайжан жастар ұйымының төрайымы, Біріккен Ұлттар Ұйымы Азық-түлік және ауылшаруашылық ұйымының ізгі ниетті елшісі т.б. Сондай-ақ, Әзірбайжанның қоғам қайраткері.