Іле Алатауында 16 жасар бала құтқарылды
Кеше күндіз 112 пультіне 2008 жылы туылған жас жігіт жүгінген. Ол теңіз деңгейінен 3100 метр биіктікте орналасқан Букреев шыңына көтеріліп, өз бетінше түсе алмаған.
Алматы, NEGE. Дерекке сәйкес, бала тауға жалғыз шығып кеткен. Құтқарушылар бірден баланың көтерілу бағытын анықтап, аумақты іздеуге кіріскен. Нәтижесінде, жасөспірімді тауып алған ТЖМ қызметкерлері оны таудан түсіріп, Алматыға жеткізді. Баланы туыстары күтіп отырған. Оған барлық қажетті көмек көрсетілді.