Ләззат Танысбай «Хабар» агенттігінің басқарма төрағасы болып тағайындалды
Ләззат Танысбай «Хабар» агенттігі» АҚ басқарма төрағасы қызметіне тағайындалды. Бұл туралы Мәдениет және ақпарат министрлігі хабарлады.
Астана, NEGE. Ләззат Танысбайдың телевизия саласында 30 жылдан астам кәсіби тәжірибесі бар. Ол әр жылдары «Астана» телеарнасын, «НҰР-Медиа» медиахолдингін, «Қазақстан» РТРК» АҚ-ны және «Еуразия» телеарнасын басқарған. Сонымен қатар Қазақстан Республикасының Байланыс және ақпарат министрлігінде қызмет атқарған.
Министрліктің хабарлауынша, жаңа басшының кәсіби және басқарушылық тәжірибесі «Хабар» агенттігінің жұмысын жаңғыртуға бағытталмақ.
«"Хабар" агенттігінің» басқарма төрағасы ретінде Ләззат Танысбайға агенттіктің қалыптасқан әлеуетін сақтай отырып, оның негізгі қызмет бағыттарын кезең-кезеңімен жаңғырту, сондай-ақ «24KZ» телеарнасының еліміздің жетекші қоғамдық-саяси арнасы ретіндегі орнын нығайту міндеті қойылды», – делінген ведомствоның мәлімдемесінде.
Бұған дейін «Хабар» агенттігін басқарған Кемелбек Ойшыбаев қызметінен босатылды.
Айта кетейік, Ләззат Танысбай 2025 жылдың 18 тамызында «Еуразия» бірінші арнасының басшысы болып тағайындалған болатын.