Лас-Вегастағы спортзалдағы атыстан екі адам қаза тапты
АҚШ-тың Лас-Вегас қаласындағы спортзалдардың бірінде орын алған атыс салдарынан екі адам қаза тапты, олардың бірі – шабуыл жасаған күдікті. Бұл туралы EADaily агенттігі AP ақпарат көзіне сілтеме жасап хабарлайды.
Алматы, NEGE. Оқиға 17 мамыр күні тіркелген. Алдын ала мәлімет бойынша, кемінде үш адам жарақат алған. Полиция қызметкерлері оқиға орнына шұғыл жетіп, қарулы ер адамды спортзалдың кіреберісінен тапқан.
Лас-Вегас полициясының капитаны Эсмеральда Боведа таратқан ақпаратқа сәйкес, күдікті қашуға әрекеттенгенімен, құқық қорғау органдарының қару қолдануы арқылы тоқтатылған. Қазіргі таңда оқиғаға байланысты тергеу жүргізілуде.
Еске сала кетейік, бұған дейін АҚШ-та ФБР-дің бұрынғы директоры жариялаған жазба экс-президент Дональд Трампқа қарсы өлімге итермелеу ретінде бағаланған болатын.
