Лакшми Миттал инвесторлар тізімінен шыққаннан кейін өндірістің аты өзгереді
ҚР Өнеркәсіп және құрылыс министрі Қанат Шарлапаев үкіметте өткен баспасөз мәслихатында үнді кәсіпкері Лакшми Митталдың кәсіпорын акционерлерінен шыққаннан кейін өндірістің атын өзгертуге тура келетінін айтты.
Алматы, NEGE. Қанат Шарлапаев үкіметтің "АрселорМиттал" компаниясымен ұзақ уақыт бойы келіссөз жүргізгенін атап өтті.
"Біз 22 қазанда "АрселорМиттал" компаниясымен алдын ала құжаттарға қол қойдық. "АрселорМиттал" қол қою шахтадағы қайғылы оқиғаға дейін болғанын растады. Бұған дейін үкімет пен "АрселорМиттал" арасында ұзақ жұмыс кезеңі болды", - деді Қанат Шарлапаев.
Қазір үкімет инвестор AMT акционерлерінен бас тартқаннан кейін оны Қазақстанда одан әрі сот процестерінен қорғау үшін жұмыс істеп жатыр. Компанияның атын да өзгертуге тура келеді.
"Арселор қазақстандық кәсіпорынның акционерлерінен шығуына байланысты біз Aрселор атауын пайдалануға құқығымыз болмайды. Шынымызды айтсақ, біз әлі қарастырған жоқпыз. Бірақ ең бастысы зауыт қызметкерлерінің пікірін ескеруіміз керек деп ойлаймын", - деді Қанат Шарлапаев.
