Kyzdar.net сайтында интимдік қызмет көрсету бойынша жарнама берген күдіктілер ұсталды
Түркістан облысы ПД-нің ҰҚҚК басқармасының қызметкерлері ғаламтор желісіндегі Kyzdar.net сайтында интимдік сипаттағы қызметтерді ұсынатын жарнама парақшасын құрғандарды анықтады, деп хабарлады Полиция.
Алматы, NEGE. Күдіктелер, Шымкент қаласының тұрғындары ұзақ уақыт бойы қыздарды жезөкшелікпен айналысуға жалдап, жеке ақпараттары мен интимдік қызмет үшін белгіленген бағаларын сайтқа шығарып отырған.
Түркістан мен Кентау қалаларында пәтер жалға алып, оларды "массаж салоны" ретінде жасырып, интим-қызметтер көрсету үшін притон ұйымдастырған. Күдікті әйелдер өз қызметтері үшін жеңіл жүрісті қыздардан заңсыз ақшалай табыстың 50% алып отырған.
Күдіктілер ұсталды. Олардан ақша, дәптерлер, ұялы телефондар және басқа да заттай дәлелдемелер тәркіленді. Полицияға Шымкент қаласы мен Түркістан облысының жеңіл жүріс-жүрісті 5 қызы жеткізілді.
ҚР ҚК-нің 309-бабының 2-бөлігімен сотқа дейінгі тергеу амалдары жүргізіліп жатыр.