КВИ-мен ауырғандардың қан қысымы құбыла бастады
Иммунолог Николай Крючков бұл симптомның COVID-19-бен ауырып, емделгендерде жиі кездеседі деп санамайтынын, бірақ аракідік осындай жағдайлар анықталатынын айтады, деп хабарлайды Zakon.kz.
Алматы. NEGE. "Қан қысымы "секіруі" мүмкін. Бұл жиі кездесетін симптом емес, керісінше бас ауруы жиі байқалады. Қан тамырларының, жүректің және мидың зақымдануы -мұның бәрі әр деңгейде қан қысымының жоғарылауына әсер ете алады. Адамда семіздік, қант диабеті бар-жоғын тексеру керек. Егер адам жақында COVID-19-бен ауырып, жазылған болса әрі одан физикалық немесе психоэмоционалды ауыртпалықтар аңғарылмаса, онда, әрине бұл коронавирустың әсеріне байланысты болуы мүмкін", - деді Крючков Ura.ru-ға берген сұхбатында.
Маман қан қысымының жоғарылауын коронавирустың салдарына жатқызу үшін басқа аурулардың, психоэмоционалды және физикалық ауыртпашылықтың, сондай-ақ созылмалы аурулардың белең алуын болдырмау керек екенін атап өтті.
Бұл үшін, Крючковтың айтуынша, бірқатар диагностикалық процедураларды жүргізу қажет.
Вакциналау - коронавирус инфекциясының таралуымен күресудің ең тиімді әдісі.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
