Мәдени
Қазақстандық "Бриллиант дауысты әнші" атанды
Прагада өткен халықаралық «Diamond voice» конкурсынан қызылордалық өнерпаздар табысты оралды.
Халықаралық конкурста 16 жастағылар арасында Арайлым Берік бірінші орын алды. Ал 8-12 жастағы сайыскерлер арасында Дінмұхамед Төлеубай «Бриллиант дауысты әнші» атанды. Қос өнерпаз Қызылорда облыстық халық шығармашылығын дамыту және мәдени-продюсерлік орталығы жанындағы балалар студиясында тәлім алады. Балалар студиясына ҚР еңбек сіңірген әртісі Қарагөз Ақдәулетова жетекшілік етеді.