Күзге арналған ауа райы болжамы жарияланды
Қазгидромет күзде Қазақстанда ауа райы қандай болатынын болжады.
Алматы, NEGE. Болжамға сәйкес күзде ауа райы құбылмалы болады. Жаңбырлы күндермен қатар жылы, шуақты күндер де аз емес.
"Күзге арналған консультативтік маусымдық ауа райы болжамына сәйкес, күздің алғашқы екі айында республиканың басым бөлігінде ауа температурасы, 1-2° градусқа нормадан жоғары болады деген болжам бар. Қараша айы, республиканың басым бөлігінде жылы, ал Батыс Қазақстан, Атырау, Солтүстік Қазақстан, Ақтөбе, Қостанай облыстарының солтүстік-батысында, Павлодар облысының солтүстік жартысында - норма шегінде жылы болады", - делінген хабарламада.
Қыркүйек және қазан айларында жауын-шашын мөлшері Қазақстанның басым бөлігінде нормадан аз болады, яғни көбінесе құрғақ болады. Қараша айында кейбір облыстарда жауын-шашын - климаттық нормаға жақын болады.
