Күзде елімізден 1,8 млн тонна егін экспортқа жөнелтілді
Жаңа егіннің 1,8 млн тоннасы экспортқа шығарылды, деп хабарлайды ҚР Ауыл шаруашылығы министрлігінің баспасөз қызметі.
Алматы, NEGE. «Қазақстан темір жолы» АҚ-ның мәліметтері бойынша, қыркүйек-қазан айларында жаңа егіннің тасымалы 2,2 млн тоннадан асты, оның 1,8 млн тоннасы экспортқа шығарылды. Бұл көрсеткіш өткен жылдың осы кезеңімен салыстырғанда 30%-ға жоғары», — делінген хабарламада.
Ресейге тасымалдау шектеусіз жүргізіліп жатыр. Соңғы екі айда Ресейге 23,4 мың тонна тауар жіберілді, ал Ресей арқылы транзиттік тасымалдау 113 мың тонна болды.
Ақтау порты арқылы Иранға тасымалдау соңғы екі айда 250 мың тоннадан асты.
Орталық Азиядағы дәстүрлі нарықтарда жаңа егіннің тасымалы өткен жылдың осы кезеңімен салыстырғанда 30%-дан астамға өсті және 1 млн тоннадан асты.
