«Күйініп, ашуланып, сарказммен жаздым»: депутат қазақ тілі туралы пікіріне түсініктеме берді
Мәжіліс депутаты Самат Нұртазаның қазақ тілі туралы жазған пікірі әлеуметтік желіде қызу талқыланып жатыр.
Астана, NEGE. Әлеуметтік желілерде депутат «қазақ тілі – кедейлердің, тачка итерушілер мен официанттардың тілі» деп жазды деген скриншот тарады.
Бұл жазбаны шынымен өзі жазды ма, әлде жалған ақпарат па, соны анықтау үшін Самат Нұртазаның өзінен сұрадық.
Оның айтуынша, бұл пікірді ол 2019–2020 жылдары ашуға беріліп, сарказммен жазған.
«Күйініп, ашуланып, сарказммен жазған комментарийім еді. Біреулер ойып алып, басқаша айналдырып салды. Жылда шығады осы скрин», – деп түсіндірді депутат.
Ол бүгін бұл мәселеге қатысты ресми мәлімдеме жасайтынын да айтты.
Қазір оқып жатыр
«Кінәмді ішінара мойындаймын»: блогер Эльмира Төлегенова сотта көз жасына ерік берді
«146 млрд теңге кем түсті»: теңгенің нығаюы бюджетке кері әсер еткен
«Өзін полицей ретінде көрсетеді»: алаяқтар жұртты ЖИ көмегімен алдауға кіріскен
Қазақстанда жүргізуші куәлігін алу емтиханын шексіз тапсыруға мүмкіндік берілмек
