Құтқарушылар су тасқыны салдарынан екі адамның көз жұмғанын жоққа шығарды
Батыс Қазақстан облысы төтенше жағдайлар департаменті су тасқыны салдарынан екі адамның көз жұмғаны туралы мәлімдеген блогердің сөзін жоққа шығарды деп хабарлайды ҚазТАГ.
Алматы, NEGE. Өз жауаптарында құтқарушылар жағдайдың қазіргі уақытта тұрақталғанын мәлімдеді.
Жедел штаб деректеріне сәйкес қазір Бөрлі ауданында жағдай тұрақталған, ал тұрғын үйлерге қауіп төніп тұрған жоқ. Су тасқынынан зақымдалған үйлердің санын комиссия есептеп жатыр екен.
Әлеуметтік желіде тараған видео 10-14 наурыз аралығында, су тасқыны басталған кезде түсірілген. Сондай-ақ ведомство өкілдері жалған ақпарат таратқаны үшін жауапқа тартылатынын қосып өтті.
Айта кетейік, бұған дейін блогер Есентай Ниязбаев Ақсай қаласы мен бірнеше елдімекенде 180 үйді су басқанын хабарлаған еді. Оның сөзінше, тасқын салдарынан аймақта екі адам көз жұмған.
