11 Қазан 10:55
Күрес түрлерінен әлем чемпионаты қашан және қайда өтетіні белгілі болды
Біріккен күрес әлемі (UWW) 2025 жылы өтеді деп жоспарланған күрес түрлерінен әлем чемпионатының өтетін жері мен уақытын жария етті.
Алматы, NEGE. Ересектер арасындағы әлем біріншілігі Хорватияның Загребе қаласында өтпек. Әлем чемпионаты 13-21 қыркүйек аралығында өтеді.
U17 әлем чемпионаты Афиныда (Греция) 28 шілде мен 3 тамыз аралығында өтеді. Болгарияның София қаласында U20 әлем чемпионаты ұйымдастырылатын болады.
Ал жасөспірімдер арасындағы әлем біріншілігін Нови-Сад (Сербия) қабылдайды. Бұл сайыстар 20-26 қазан күндері өтпек.
