Құрбан шалу рәсімі офлайн және онлайн форматта өтеді
Айт күндері жасалатын игі істердің бірі – құрбан шалу. Қой мен ешкі бір адамның атынан шалынады. Ал, түйе мен қара мал бір адамның атынан да, жеті адамның атынан да сойылуы мүмкін
.
Алматы, NEGE. Құрбандыққа шалынатын мал төрт түліктің (қой, ешкі, сиыр, түйе) бірі болу керек. Қой мен ешкі бір адамның атынан шалынады. Ал, түйе мен қарамал бір адамның атынан да, жеті адамның атынан да сойылса болады. ҚДМБ төрағасының кеңесшісі Кенжетай Дүйсенбай елімізде құрбан шалу рәсімі офлайн және онлайн форматта өтетінін атап өтті.
«Діни басқарма ел азаматтарына, әсіресе қала тұрғындарына қолайлы жағдай жасау мақсатында құрбан шалу рәсімін қашықтан өткізуге арналған qurban2023.kz сайтын іске қосты», - деді спикер ОКҚ алаңында өткен баспасөз конференциясында.