Дүние
Құпия сынақ болуы мүмкін
Алтай аймағының тұрғындары 8 желтоқсан күні түнде аспаннан айналаны жап-жарық еткен ерекше көк түсті жарқылды байқаған. Бірер секундқа ғана созылған алапат жарықтың көз қарықтырардай жарқылы, тіпті, Бийск, Алейск, Барнауыл, Новоалтайск аймақтарында да көрініп, ондаған елді мекендердің аспанын шарпыған.
Алматы, NEGE. Қарашаның соңында да осындай жарқылға Уфа, Қорған, Тольятти, Орынбор, Ижевск аймағының тұрғындары куә болған еді. Ол кездегі құбылысты Астрахан облысындағы Капустин Яр полигонынан ұшырылып Қазақстанның Сары-Шаған полигонындағы нысанаға тигізілген баллистикалық ракетаның салдары болуы мүмкін деп топшылаған екен, жергілікті билік өкілдері.
Бұл табиғи құбылыс па әлде әскерилер ескертусіз ракета атып жатыр ма, соған алтайлықтар алаңдап отыр.