Құны 74 млн теңгеден артық ипотека алғандар да декларация тапсырады
Қаржы министрі Мәди Такиев Мәжіліс отырысынан кейін журналистердің сұрағына берген жауабында құны 74 млн теңгеден асатын актив иеленген азаматтар неге декларация тапсыруға міндеттелетінін түсіндірді.
Алматы, NEGE. «Мысалы мен 80 млн теңгенің үйін ипотекаға алдым дейік. Оның 40 млн теңгесін өзім салып, қалғанын банктен несиеге алсам, декларациядан босатылам ба?» - деп сұрады журналист.
Министр мұндай операцияларда мәміленің ақтық сомасы ескерілетінін айтты.
«Мұндай жағдайда сіз де декларация тапсырасыз. Декларация тапсырғанда екі көзді көрсетесіз: 40 млн теңге өз қаражатыңыз, қалған 40 млн теңге «Отбасы банктен» алынған қарыз деп. Қарыз болса да қарамайды. Сіз айтып тұрған 74 млн теңге 20 мың айлық есептік көрсеткішті білдіреді. Неліктен бұл соманы алдық? Бізде жалпы есеп болған, біз енді Қазақстанда 1991 жылдан бастап орташа жалақымен қанша ақша жинауға болады деген рұқсат қойылған. Сол межемен алғанда бүгін осы сомаға жетіп қалдық», - деді Мәди Такиев.
Қазір оқып жатыр
Астанада мас күйде көлік жүргізген Бас прокуратура қызметкері қамауға алынбаған
Шағын және орта бизнесті қолдау көлемі 3 трлн теңгеге дейін ұлғаяды
Алматы тарихи көркінен айырылады: Заңгер қаланы жаңғырту жұмыстарын сынға алды
Арқалықта полицейлер қай көлікті тоқтатпау керегін арнайы чаттан біліп отырған
