Күмәнді қорапта қауіпті заттар табылмады
Алматыда тұрғындар хабарлаған күмәнді қорапқа байланысты көше жабылды, деп хабарлайды Алматы қаласының полиция департаментінің баспасөз қызметі.
Алматы, NEGE. Полицияға Саин көшесі мен Төле би даңғылының қиылысында күмәнді қорапша жатқаны туралы хабар түскен.
«Қаланың шұғыл және жедел қызметтері бірінші кезекте тұрғындардың қауіпсіздігін қамтамасыз ету мақсатында көшені қоршап, патруль полициясы көлік құралдарының жүру бағытын өзгертті», – деп хабарлады полиция өкілі. Тексерістен кейін күдік сейілді, қорапта қауіпті заттар табылмады.
