Құлсарыда қанша нысан су астында қалып отыр?
Атырау облысының Құлсары қаласында қазіргі таңда тек 20 жеке тұрғын үй мен 10 бизнес нысаны су астында қалып отыр, деп хабарлады ҚР ТЖМ баспасөз қызметі.
Алматы, NEGE. ҚР ТЖМ құтқарушы күштері 2900 үйден су айдау жұмыстарын жүргізген болатын. Енді тек 20 жеке тұрғын үй мен 10 бизнес нысаны су астында қалып отыр.
Қалада авариялық-құтқару жұмыстары жалғасуда. Кадрларда түркістандық құтқарушылар тобы өнімділігі секундына 500 литрді құрайтын жылжымалы сорғы станцияларының көмегімен суды сору жұмыстарын жүргізуде.
Өңірдің эвакуациялық пункттерінде 585 адам бар, олардың 279-ы балалар. Естеріңізге сала кетейік, 2024 жылдың 7 сәуірінен бастап облыста жергілікті ауқымдағы табиғи сипаттағы ТЖ режимі сақталуда.