Құлсарыда бір адамның денесі табылды
Атырау облысы төтенше жағдайлар департаментінің хабарлауынша, 9 сәуір сағат 12.27-де құтқарушылар Жылыой ауданы Құлсары қаласында бір ер адамның мүрдесін тауып, полицияға тапсырған.
Атырау облысы полиция департаменті «су тасқынынан зираттағы адамның денесі жер бетіне шығып кеткен» деген уәж айтты.
Естеріңізге салайық, Құлсары қаласынада екі адам – әкесі мен баласы із-түзсіз жоғалып кетті. Оларды әлі іздеп жатыр. Екеуі өткен аптада суда қалған үйін қарауға кеткенде жоғалған еді.