Қуат Хамитті полиция ұстады
«Найман» лақап атымен танымал
спортшы Қуат Хамитті полиция ұстап әкетті. Оған биліктің заңды талаптарына бағынбауға, жаппай тәртіпсіздікке және азаматтарға күш көрсетуге шақырды деп айып тағылып отыр.
Алматы. NEGE. Мұның алдында Қуат Хамит дезинфекция шашып жүргендерді соққыға жығып, қала үстімен ұшып жүрген тікұшақтарды атып түсіруге шақырған болатын. «Кеше адамдар тағы да дезинфекция жасай бастады. Халықты улап жатыр. Бұл адамдарды көрсеңіздер тепкінің астына алыңдар, таспен, таяқпен ұрыңдар. Халықты улауын доғарсын. Ал тозаң шашып жүрген тікұшақ көрсеңдер, автоматпен атып түсіріңдер. Бәрі соғыстағыдай: біреулерді тоқтатсақ, мың адамды құтқарамыз», – деген-ді спортшы.
