Қуаныш Ерғалиев жаңа қызметке тағайындалды
ҚР Үкіметінің қаулысымен Қуаныш Асылханұлы Ерғалиев ҚР білім және ғылым вице-министрі лауазымына тағайындалды. Бұл туралы ҚР Премьер-Министрінің Баспасөз қызметі хабарлайды.
Алматы, NEGE. Қуаныш Ерғалиев 1982 жылы Шығыс Қазақстан облысында дүниеге келген.
Қазақ ұлттық медицина университетін, Тулейн университетін, «Қазтұтынуодағы» Қарағанды экономикалық университетін, Гарвард университетін тәмамдаған.
2006 жылы еңбек жолын денсаулық сақтау жүйесінен бастады.
2010 жылдан 2014 жылға дейін ҚР Денсаулық сақтау министрлігінде әртүрлі қызметтерде, соның ішінде басшылық лауазымдарда еңбек етті.
2014-2019 жылдары Назарбаев Университетінде жұмыс істеді.
2019 жылдан бастап қазіргі уақытқа дейін Сүлейман Демирел атындағы университеттің ректоры болды.
Қуаныш Асылханұлы Министрлікте жоғары білім және ғылым мәселелеріне жетекшілік ететін болады.
