ҚТЖ филиалының басшысы 100-ден астам қызметкерінен сыйақы алып келген деген күдікпен ұсталды
Павлодарда «Қазақстан темір жолы» Ұлттық компаниясы» АҚ филиалының басшысы ұсталды, деп хабарлады ҚазТАГ.
Алматы, NEGE. «Жұмыста қолдау білдіргені үшін жүйелі түрде заңсыз сыйақы алып келген деген күдікке ілінген «ҚТЖ ҰК» АҚ филиалының басшысы ұсталды. Белгілі болғандай, ол өзі орынбасарымен бірге қарамағындағы 100-ден аса қызметкерден төрт жыл бойы ай сайын заңсыз түрде 8 мыңнан 10 мың теңгеге дейін сыйақы алып келген», - деп хабарлады сейсенбі күні Павлодар облысы экономикалық тергеу департаменті.
