Криштиану Роналду гол соғудан әлем рекордын жаңартты
Португалиялық шабуылшы, «Аль-Наср» клубының ойыншысы Криштиану Роналду футбол тарихында алғаш рет төрт түрлі клубта және ұлттық құрамада 100 голдан соққан алғашқы ойыншы атанды, деп хабарлайды Sports.kz.
Алматы, NEGE. 40 жастағы форвард Сауд Арабиясы Суперкубогының финалында «Аль-Ахлиге» қарсы ойында пенальтиден гол соғып, Эр-Рияд клубындағы 100-ші голына қол жеткізді.
Роналдудың көрсеткіші: 450 гол — мадридтік «Реал» сапында, 145 гол — «Манчестер Юнайтед» құрамында, 101 гол — «Ювентус» клубында, 100 гол — «Аль-Наср» сапында, 138 гол — Португалия құрамасы үшін.
Бұған дейін Роналду Forbes дерегінше әлемдегі ең жоғары жалақы алатын спортшы атанған еді. Оның бір жылдық табысы 275 миллион долларды құрап, тарихтағы белсенді спортшылар арасындағы үшінші көрсеткішке тең болды.
