Криптовалютадан ақша тапқысы келіп, алаяқтың құрбаны болды

Алматы, NEGE. Ақтөбелік криптовалютадан ақша тапқысы келіп, алаяқтардың құрбаны болды, деп хабарлайды ҚазАқпарат.

Полицияның кезекші бөліміне Ақтөбе қаласының 21 жастағы тұрғыны белгісіз біреудің алаяқтық жолмен ақша қаражатын иемденгені туралы арызданған. Жәбірленуші «Telegram» мессенджеріндегі арнадан криптовалюта табысы туралы хабарландыру тапқанын айтқан. Сатушы мен сатып алушы арасындағы хат алмасу мессенджерде жалғасқан.

Сатушы ақша аударғаннан кейін бірден екі еселенген соманы алады деп сендірген. Қала сыртында кездесіп, жәбірленуші 3 миллион теңгені күдіктіге өзі берген. Алайда, ақша алғаннан кейін сатушы байланысқа шығуды тоқтатқан. Осы факті бойынша ҚР ҚК 190-бабы 1-бөлігі «Алаяқтық» бойынша сотқа дейінгі тергеп-тексеру басталды.

Сонымен, крипто-алаяқтықты қалай тануға болады? Кепілдендірілген пайда туралы уәде. Ешқандай инвестиция үшін кіріске кепілдік беру мүмкін емес: олардың нарықтық құны өсуі де, төмендеуі де мүмкін. Кепілдендірілген кірісті уәде ететін кез – келген ұсыныс күдік тудыру қажет.