ҚР ІІМ ел тұрғындарына ескерту жасады
ҚР Ішкі істер министрлігі респулика тұрғындарына қыс мезгілінде жолдағы қауіпсіздікке байланысты ескерту жасады.
Алматы, NEGE. «Климаттық өзгерістер, көлік ағынының ұлғаюы, жол көрінісінің қиындауымен қатар қыс мезгілінде күн сәулесінің жетіспеуіне байланысты жолдарда қауіп бірнеше есе артады. ІІМ қысқы жолмен жүру кезінде мынадай талаптарды еске салады: (көктайғақта, жаңадан жауған қарда, тапталған қарда) қашықтықты, жылдамдық режимін қатаң сақтау, сондай-ақ кенеттен тежеуге жол бермеу қажеттігін есте сақтаған жөн. Күн райы және жолдарды жабуға қатысты ақпараттарды назарда ұстау қажет» делінген хабарламада.
Сондай-ақ министрлік таратқан деректерге қарағанда, ауа райының қолайсыздығына байланысты қыстың басында жол-көлік оқиғаларының саны күрт өсті. Өткен тәулікте елімізде 24 көлік апаты тіркелген, онда 2 адам қаза тауып, 29 адам жарақат алды.
