Қожамжаров активтерді қайтару бойынша арнайы тізімге енгізілді
Бас прокуратураның Активтерді қайтару комитеті кәсіпкер Дулат Қожамжаровты (оның суреті ешбір дереккөзде жоқ) «Заңсыз алынған мүлікті мемлекетке қайтару туралы» заң аясындағы арнайы тізілімге енгізді, деп жазады Nege.Aqsha телеграм каналы.
Алматы, NEGE. Тізімдегілердің беделіне нұқсан келмеуі үшін биліктегілердің өзі оны құпия ұстап отыр.
Қожамжаровтың өкілдері Бас прокурорға шағымданып, активтерді қайтару жөніндегі комиссияның шешімін жоюды сұраған. Дегенмен, оларға комиисияның әрекеті заңды екені көрсетілді.
Forbes Kazakhstan журналы Дулат Қожамжаровтың байлығын 110 миллион долларға бағалады. Ол елдің ең бай кәсіпкерлерінің тізімінде 57-орында тұр. Ол түрлі техникалық майлар мен жағармай өнімдерін өндірумен айналысатын Шымкенттегі ірі өндіруші Hill Corporation компаниясына иелік етеді.
Дулат Қожамжаров – Бас прокурор әрі Сенат депутаты болған Қайрат Қожамжаровтың (суретте) ағасы.