Қожа Ахмет Ясауи атындағы университеттің 3 бірдей оқытушысы «Болашақ» стипендиясының иегері атанды
Түркістанда Қожа Ахмет Ясауи атындағы университеттің 3 бірдей оқытушысы «Болашақ» стипендиясының иегері атанды.
Түркістан, NEGE. Шетелде кадрлар даярлау жөніндегі республикалық комиссияның шешімімен 183 қазақстандық «Болашақ» халықаралық стипендиясына ие болды. Оның ішінде 33 қазақстандық ғалымға әлемнің жетекші ғылыми-зерттеу орталықтарында ғылым және экономика үшін аса маңызды бағыттар бойынша ғылыми тағылымдамадан өтуге гранттар бөлінді.
Айтулы стипендияға ие болған Қожа Ахмет Ясауи атындағы университеттің оқытушылары:
- Медицина факультеті, Қоғамдық денсаулық сақтау және ғылыми зерттеулер кафедрасының меңгерушісі, Ph.D, аға оқытушы – Омарова Балнұр Әділбекқызы.
- Медицина факультеті, Фундаментальды ғылымдар кафедрасының меңгерушісі, Ph.D, доцент м.а. – Саржанов Фахриддин Нурмахамедович.
- Жаратылыстану факультеті Биология кафедрасының , Ph.D, аға оқытушы – Саржанова Шахноза Мамаджановна.
Олар Америка Құрама Штаттарының Сан-Диегодағы Калифорния университетіне «Қоғамдық, экологиялық және кәсіби денсаулық сақтау» және «Микробиология» ғылыми бағыттары бойынша жолдамаға ие болды. Осылайша, оқытушылар әлемнің үздік жоғары оқу орнында 1 жыл ғылыми тағылымдамадан өтуге мүмкіндік алды.
