Дүние
Ковидтік «жасыл куәліктерді» жасап, сатқан алаяқтар ұсталды
Италия полициясы ковидтік «жасыл куәліктерді» қолдан жасап, сатып келген қылмыстық топтың жолын кесті.
Алматы, NEGE. Олар Telegram әлеуметтік желісін пайдаланған. Қаскүнемдер вакциналау туралы куәліктен басқа тестінің теріс нәтижесін және антиденелердің бар екендігін айғақтайтын жалған құжаттарды рәсімдеп, адамдардың мейрамхана, музей, бассейн, спортзалдар мен қоғамдық көлікке кіруіне жағдай жасаған. Полицей мамандар 30-дан астам Telegram каналды бұғаттаған. Вакциналау туралы куәлік 160 еуроға сатылған. Бұл шамамен 80 мың теңге. Осы іске байланысты 4 күдікті қамалды, екеуі кәмелеттік жасқа толмаған балалар.