Костенко шахтасы жабылатыны рас па? – әкім жауап берді
Кеншілер мен металлургтер тарапынан «АрселорМиттал» кеткеннен кейін кейбір шахталар жабылады деген қауесет тарады. Қарағанды облысының әкімі Ермағанбет Бөлекпаев Өңірлік коммуникация қызметінің алаңында өткен брифингіде жұмысшылардың бұл болжамын жоққа шығарды
.
Алматы, NEGE. «Барлық 8 шахта жұмыс істейтін болады. Бүгінгі таңда 4 шахта толық көлемде жұмыс істеп жатыр. Қалғандары әртүрлі себептерге байланысты тоқтап тұр. Дайындық жұмыстары жүргізілуде, «Қазақстан» шахтасында әлі де жұмыс жүріп жатыр. Костенко шахтасында тергеу аяқталған жоқ. Мамандардың бағалауы бойынша, бұл шахтаның жұмысын қалпына келтіру үшін тағы 2,5 ай қажет. Шахталардың жабылатыны туралы сөз болған емес. Ол туралы нақты айта аламын», - деді облыс әкімі.
Айтуынша, компанияның жаңа басшыларының алдына өндірістегі қауіпсіздікті қамтамасыз етуге қомақты қаражат салу жөнінде шарттар қойылмақ. Бұл мемлекет тарапынан қойылатын басты талаптардың бірі болады.
Қазір оқып жатыр
Астаналықтар аурухана жанындағы құрылысқа қарсы петиция жариялады
Тоқаев пен Ердоған Мәңгілік достық туралы декларацияға қол қойды
Алматының Наурызбай ауданында ауаның ластануы мөлшерден бірнеше есе асып кеткен
Атырау облысының әкімдігі Индер көлін ерекше қорғалатын аумақтар тізімінен қалай шығартты
