Костенко шахтасы тексерілді
Төтенше жағдайлар вице-министрі Ерболат Садырбаев пен Өнеркәсіптік қауіпсіздік комитеті төрағасының орынбасары Кеңгірбай Есенеев «Karaganda Komir» ЖШС-нің Костенко шахтасына барды.
Астана, Nege. ТЖМ мәліметінше, сапар барысында вице-министр жер асты жұмыс орындарында персоналды іздеу және позициялау жүйесімен, жер асты объектілерімен радиобайланыс жүйесімен және ауаны газбен мониторинг жасау жүйесімен танысты. Сондай-ақ АСМО медициналық тексеру бөлмесін және шахта мұражайын аралап көрді.
«Арнайы назар 47К1-з қабатындағы +110 лава жұмысына аударылды. Жұмыс сапарының негізгі мақсаты – кәсіпорынның қызметімен танысу және өнеркәсіптік қауіпсіздік деңгейін бағалау болды», – делінген ведомство хабарламасында.
Жұмыс сапары аясында өнеркәсіптік қауіпсіздік мәселелері бойынша кеңестер өткізіліп, қауіпсіздікті жақсарту шаралары талқыланған.
Сапар қорытындысы бойынша шахтадағы өнеркәсіптік қауіпсіздікті арттыру жөнінде ұсыныстар берілген.