Қостанайда денсаулық сақтау басқармасының экс-басшысы ұсталды
Қостанай облысында медициналық құрылғыларды сатып алу саласында миллиардтаған қаржы жымқырылған.
Астана, NEGE. Облыстық прокурорлар сыбайлас-жемқорлық схемасы әшкереленгенін, бұл фактілер бойынша қылмыстық істер тіркелгенін хабарлады.
Прокуратура мәліметінше, медициналық ұйымдар аса қажет емес құрылғыларды қымбатырақ бағаға сатып алған.
Келтірілген шығынның сомасы 2 млрд теңгеден асқан.
«Тергеу шеңберінде "Қостанай облысы әкімдігінің денсаулық сақтау басқармасы" ММ-ның бұрынғы басшысы мен қызмет атқарып жатқан орынбасары, аудан ауруханасының бас дәрігері және құрылғыларды ұсынған өнім беруші ұсталды», – делінген ресми хабарламада.
Қазіргі уақытта тергеу жүріп жатыр.
Прокуратура Қылмыстық-процестік кодексінің 201-бабына сілтеп, өзге мәліметтерді жариялаған жоқ.
Қазір оқып жатыр
«Енді асыға оралатын үйім бар»: Баян Алагөзова Меруерт Өтекешоваға пәтер сыйлады
Құрылтай сайлауына Грузия, Иран, Швеция және Қырғызстаннан байқаушылар қатысады
ШҚО-да жүргізуші куәлігін алмақ болған ер адам 6,6 млн теңгесінен айырылған
Алматыда жүйіткіген көлік музей алдындағы арт-инсталляцияға соғылды
