Қостанай облысында ВИЧ жұқтырған ер адам өгей қызын зорлаған
Қостанай облысында ВИЧ (АИТВ) індетін жұқтырған жергілікті тұрғынға қатысты сот процесі аяқталды. Оған кәмелетке толмаған өгей қызын зорлады деп айып тағылды.
Алматы, NEGE. Ер адам қылмысты әйелі үйде болмаған кезде жасаған.
Облыстық соттың баспасөз қызметінің хабарлауынша, балаға қауіпті індет жұқпаған, бірақ қылмыстың өзі ауыр психологиялық зардаптарға әкеп соққан.
Сот жәбірленушінің жағдайы мен жасын ескере отырып, жабық өтті.
Айыпталушы бұрыннан сотты болған және өзінің ВИЧ індетін жұқтырғанын білген, соған қарамастан саналы түрде қылмыс жасаған. Сол себепті ол бірнеше бап бойынша, соның ішінде кәмелетке толмаған баланы зорлау және ВИЧ инфекциясын жұқтыру қаупін қасақана тудыру бойынша кінәлі деп танылды.
Сотталушы өмір бойына бас бостандығынан айырылды.